Ministro_de_Turismo_conoce_gestión_de_comunidad_del_Quilotoa

(Latacunga, Cotopaxi. 01-03-2016).- Riksichinata Rikuk Wasi pushakpash; Allpata Wayrata Rikuk Wasi pushakpash; Quilotoapa, Shalalápa pushakkunapashmi riksichina ima shina kashkata willankapakmi ari nirka. Kaynanik punchakunami tawka kutinmi tantanakurka, shuk hatun tantanakuypashmi tiyarka.

Riksichinata Rikuk Wasipa llankakkunami ima tiyashkata rikunkapak rirka; shinapash, ayllu llaktapa pushakkunaka, kunan punchakaman, paykunaman kuna kashkataka mana kushkachu.

Fernando Alavarado Riksichinata Rikuk Wasi pushakpash; Daniel Ortega Allpata Wayrata Rikuk Wasi pushakpashmi kallari tantanakuypika karka. Chaypimi ayllu llakta ima minishtishkata rikurka. Shinallatak riksichina chaypi tiyachun minishtishkakunatapashmi rikurka. Wasi pushakkunaka chay muyuntipimi ima riksinayay tiyashkakunata rikuk rirka, chashnami chaypi kawsakkuna katunkapak imakunata rurak kashkatapash riksirka.

Alvaradoka tantanakuypika “ashtaka ima riksinayaykunami tiyan. Kayamanka shuk mama llaktakunamanta risinkapak shamukkuna tiyachunmi rikuna kanchik. Kunanka ashtakami riksinkapak shamun, shinapash ashalla kullkitami chaskinkichik …” nirka. Kamay ayllu llaktakuna chashna riksichinakunawan kullkichun yanapankapak kashkatami uyachirka. Shinapash chashna kachunka, ayllu llaktapa pushakkunami imapash tiyashkata willana kan nirka.

Riksichinata Rikuk Wasipash, Allpata Wayrata Rikuk Wasipash riksinkapak shamukkuna mirachunmi ñankunata, maymanta rikunakunata rurashka, shinallatak ayllu llaktapi kawsakkunatami riksichina hawa yachachishka, shamukkunata sumakta chaskichunmi chashna imakunata yachachishka. Quilotoapi ima riksinayaykunaka Centro de Turismo de Comunitario (CTC) Lago Verde Quilotoa nishkapa makipimi kan, paykunami riksichikun.

MYV